Xalçalarımız prezidentin xanımını heyran etdi
Mədəniyyət
12:47 / 08.02.13
Fevralın 8-də Serbiya Respublikası Prezidentinin xanımı Dragitsa Nikoliç “Azərilmə” Məhdud Məsuliyyətli Cəmiyyətinin “Sehrli ilmələr” qalereyasının tədbirində iştirak edib.
Qonaq qədim səyyahlar, salnaməçilər, ölkəmizdə toxunan xalı-xalçanın yüksək keyfiyyəti, zəngin çeşidləri haqda məlumatlandırılıb.
D.Nikoliçə 1996-cı ildən fəaliyyətə başlayan, hazırda 350 nəfərin çalışdığı “Azərilmə”nin məhsullarının ABŞ, Almaniya, Avstriya, İngiltərə, İtaliya, Yaponiya və Rusiyada xüsusi mükafatlara layiq görülməsi haqda informasiyalar verilib.
Qeyd edək ki, Azərbaycan xalçaları indi də dünyanın bir çox muzeylərinin ən nadir eksponatlarından sayılır.
AzərTac