Modelyer Fəxriyyə Xələfova 2014-cü ilin yaz dəbindən danışıb.
Axşam.az-ın məlumatına görə, “Xəzər” telekanalında yayımlanan “Bizim gün” verilişinə qonaq olan F.Xələfova öz kolleksiyasında əlvan rənglərə üstünlük verdiyini bildirib:
“Çox vaxt deyirlər ki, 1950-ci illərin dəbi geri qayıtır. Amma bunu heç sevmirəm. Hər zaman yeniliyi, müasirliyi xoşlayıram. Bu yaz açıq rənglərə üstünlük vermək lazımdır. Əsasən də, qırmızı rəngə... Üst geyimlərində daha çox al-əlvanlıq aktual olacaq. Bu dəb kişi kolleksiyalarında da özünü büruzə verməlidir”.