Axşam.az-ın məlumatına görə, bu sözləri müğənni Xatirə İslam "Ay Zaur" verilişində deyib. Bir müddət əvvəl plastik əməliyyatla arıqlayan sənətçi yenidən kökəlməsi ilə bağlı xəbərləri şayiə adlandırıb.

Sənətçi əri Fəxrəddinin onu qısqanmadığını söyləyib:

"Arıqlamağımı özüm istədim. Elə xasiyyətim var ki, oğlan kimiyəm. Studiyada və başqa yerlərdə oluram. Heç vaxt məndən harada olduğumu maraqlanmırdılar. Arıqlayandan sonra maraqlanmağa başlayıb ki, haradasan? Çox kaprizsiz və üzüyolayam. Ona görə də hər zaman demişəm, məni alan xoşbəxtdir. Həyat yoldaşım məni qısqanmır. Heç mənə yazanlara da baxmır. Sonuncu dəfə yazılanlara ötən yay baxıb. Bizim ailədə elə şeylər olmur. Dalaşmırıq".

Xatirə ikinci dəfə ana olması haqda suala "Heç vaxt qız övladı arzu etməmişəm. Sevmirəm. Yalandan deyim ki, ikinci dəfə ana olmağa hazırlaşıram? Amma ikinci övlad istəyirəm, övladım təkdir" cavabını verib.  

Sənətçi məşhurların həyatının ictimailəşməsindən söz açıb:

"Elə müğənni var ki, özünü aparmağı, söz deməyi bacarır. Hər insanın şəxsi həyatı olur. Heç vaxt deməyin ki, bunu etmərəm. İnsan nəsə edəndə fikirləşməlidir. Bu da onun taleyidir. Müğənnilər maraqlıdır, efirə çağırırsız. Qonşumuzda adam var, qaynına qoşulub qaçıb. Onu efirə çağırarsız? Üç qızın videosu yayıldı. Hansı müğənni onu edər? Hətta bizim qardaşlarımız onları alır, gedib toylarında oxuyuruq. İctimailəşdi, qızları tanıdıq. Əgər tanınmasaydı, qohumumuz gedib onu alardı. Müğənni etsəydi, onu heç vaxt almazdılar. İnstaqram çox yaxşıdır. Nə qədər adamı onun sayəsində tanıyırıq".