Aktyor Azər Aydəmirov yerli televiziya kanallarını tənqid edib.
Axşam.az xəbər verir ki, aktyor sosial media hesabında ARB və “Lider” telekanallarının ünvanına sərt sözlər yazıb:
“2-3 gün öncə yenə də öz aləmimdə Azərbaycan kanallarının monitorinqini aparırdım. ARB 24-ün möhtəşəm görüntüsü və peşəkar işıq şefinin işi məni sevindirdi. Halbuki, bu tərifi ARB TV-nin özünə şamil edə bilmirəm. Baxırsan ki, bir şirkətdir – biri ay gedir, digəri çaya.
İTV-nin “Pressinq” verilişi məni sevindirdi, diqqətimi cəlb etdi.
“Lider” TV-də “Ürək ağrısı” adlı serial göstərirdilər. Tənbəllik etmədim, axıra kimi baxdım. Dedim bəlkə, mən nəyisə başa düşmürəm. Bu, nədi? Sizin bu millətlə nə düşmənçiliyiniz var? Bunu kimə göstərirsiniz? Məqsəd nədir? O “prodüser”lər serialın vaxtına görə sizə nə qədər pul verirlər - 500-600 manat? Bu pul kanalın imicinə dəyərmi? Məqsədinizi açıq deyil, bilək ki, kanalın formatı nədir. Axı, niyə belə edirsiniz? Kimə işləyirsiniz? Bəlkə, ən asanı kanalı bağlamaqdır? Hörmətlə, tamaşaçı - “Ürək ağrısı” ilə!”.