Aktyor Fərda Xudaverdiyev yenidən aparıcılığa başlayıb.

Axşam.az xəbər verir ki, yumor ustası "Xəzər" telekanalında yayımlanan "Comedyxana" ilə tamaşaçıların qarşısına çıxıb.

Gülmləli səhnəciklər nümayiş etdirilən proqramda Fərda həmkarı Müşviq Şahverdiyevlə birlikdə çıxış edib. Verilişin ilk buraxılışı şənbə günü efirə gedib.

"5/5" verilişinə qonaq olan Fərda "Tək işim aktyorluqdur. Hamı elə bilir biznesim var, amma yoxdur. Proqramın ilk buraxılışı maraqla qarşılandı" deyə, bildirib.

Qeyd edək ki, Fərda bundan əvvəl "Top kimi şou", "Tam sərbəst", "Formula 3" kimi verilişlərdə aparıcılıq edib.