Azərbaycanlı bəstəkar Ukraynada qəzaya düşüb - Fotolar

Azərbaycanlı bəstəkar Ukraynada qəzaya düşüb - Fotolar
1601 dəfə oxunub
  • A-
  • A
  • A+

Azərbaycanlı bəstəkar və musiqi prodüseri İsa Məlikov Ukraynada avtomobil qəzasına düşüb.

Axşam.az xəbər verir ki, hadisə Krasnopilka kəndi ərazisinin yaxınlığında baş verib. İsa Məlikov və digər sərnişin “Studiya Kvartal 95” layihəsinin müəllifi Aleksandr Şurun əyləşdikləri mikroavtobus qarşıdan gələn yük maşını ilə toqquşaraq aşıb.

Qəza zamanı xəsarət alanların hamısı Uman Şəhər Mərkəzi Xəstəxanasına çatdırlıb. Hazırda onların müalicəsi Kiyevdə davam edir.

A.Şur hadisə barədə sosial şəbəkədə yazıb:

“Həyat çox qəribədir. 11 dekabr mənim doğum günüm idi. Bundan sonra isə ikinci doğum günümdür. Bu hadisədən sonra mən həyata başqa cür baxacağam. Həyat çox zərif və qeyri-stabil şeydir. Özünüzü və doğmalarınızı qoruyun. Təhlükəsizlik kəmərinizi bağlayın! Həmişə, istisnasız. Hətta 50 metr getməli olsanız belə”, - Məlikov əlavə edib.  

Qeyd edək ki, İ. Məlikov bir çox musiqili layihələrin ideya müəllifi, bir çox xitlərin, kinofilmlərə bəstələnmiş musiqilərin müəllifidir. Onun mahnılarını Azərbaycan estradasının ən parlaq ulduzları - Aygün Kazımova, Zülfiyyə Xanbabayeva, Röya Ayxan, Elnarə Xəlilova, Sevda Ələkbərzadə və başqaları ifa edirlər.