Martın 8-də Opera və Balet Teatrında rus bəstəkarı Pyort Çaykovskinin “Qu gölü” baletinin tamaşası olacaq.
Teatrdan Lent.az-a verilən məlumata görə, Beynəlxalq Qadınlar gününə həsr ediləcək tamaşada əsas rolları Ukrayna Milli Operasının aparıcı solistləri, Ukraynanın əməkdar artistləri Olqa Qolitsa (Odetta-Odilliya) və Sergey Sidorski (Şahzadə Ziqfrid) ifa edəcəklər. Tamaşanın dirijoru xalq artisti Cavanşir Cəfərov olacaq.