Bu sözləri prodüser Təranə Səmədova Axşam.az-a açıqlamasında deyib. Uzun müddətdir çalışmayan Təranə sevdiyi şəxsin ona maddi və mənəvi dəstək olduğunu bildirib:
"Pandemiya dönəmində də, o dönəmə qədər də və hazırda da həyat dostum məni və ailəmi maddi təmin edib. İndən sonra isə aldığım növbəti təkliflərdən bir neçəsini dəyərləndirirəm. Onlardan biri yeni sosial layihə olan qısametrajlı filmdir. Rejissorluğunu Elvin İsmanın edəcəyi filmin əsas məqsədi son illərdə artan boşanmaların sayının çoxalmasından bəhs edir.
Düşünürəm ötürəcəyimiz mesajla bir çox gənc ailələrin dağılmasının qarşısını ala biləcəyik. Digər təklif yenə də bir neçə müğənnini tanıtmağımla bağlıdır, düşünürəm artıq birini dəyərləndirəcəm. Ən istedadlısını seçməyə qərar vermişəm. Daha 2 təklifi isə artıq tam start veriləndə açıqlayaram".