Xalq artisti İlhamə Quliyeva dünən “Xəzər” telekanalında yayımlanan “5/5” verilişinin qonağı olub.

Axşam.az-ın məlumatına görə, müğənni əksər  hamkarlarının ona olan hörmətindən danışıb:

“Heç kimdən mənə xüsusi ehtiram göstərməyini tələb etmirəm. Özləri məni görəndə əyilib əlimdən öpürlər. Bunu mən istəmirəm, onlar öz mədəniyyətlərini nümayiş etdirirlər. Hansısa məclisə gedəndə hamı ayağa durub, qabağıma qaçır. Bunu görəndə məni tər basır, xəcalət çəkirəm. Amma bu qazandığım hörmətin, sevginin göstəricisidir. Bəziləri də paxıllıqdan nə edəcəyini bilmir. Dünya Mədəniyyət Akademisayının prezidentiyəm. Bunu dananlara Dünya Azərbaycanlılarının Qurultayında öz əllərimlə diplom vermişəm. Danırlar, çünki ürəkləri partlayır, yanıb-tökülürlər”.