Əməkdar artist Sənubər İsgəndərli ona təklif edilən film dəvətlərindən imtina etdiyini açıqlayıb.
Axşam.az-ın məlumatına görə, buna səbəb aktrisanın “Xəzər” TV-də yayımlanan “Qaynana” serialında rol almasıdır:
“Müqavilə bağlananda şərt kəsildi ki, başqa heç bir serialda rol almayacağam. Bu səbəbdən indi gələn bütün təkliflərə yox deyirəm. Seriallarımızın sayı günü-gündən artır. Başqaları kimi onları tənqid etmək fikrində deyiləm. Çünki biz rejissorlarımıza dəstək olmalıyıq”.
Sənubər İsgəndərli arzusunda olduğu obrazdan da danışıb:
“Ən böyük arzum tarixi obraz canlandırmaqdır. İstərdim ki, yaddaşlara həkk olunacaq tarixi film və yaxud serial çəkilsin”.