Hollivud ulduzlarının vizajisti Kristian Qulyetta Bakının qonağı olub.

Axşam.az-ın “1news.az”a istinadən xəbərinə görə, tanınmış vizajist xalq artisti Aygün Kazımova ilə bir araya gəlib. O, A.Kazımovanı dünyaca məşhur aktrisa Sofi Lorenin gəncliyinə bənzədib. Vizajist eyni zamanda xalq artistindən müsbət aura və bol enerji aldığını deyib.

Qeyd edək ki, Kristian Qulyetta aktrisa Culiya Roberts, fransız aktrisa Katrin Denev, dizayner Roberto Kavallinin xanımı Eva Dyurinqer, mərhum müğənni Uitni Hyuston kimi məşhurlarla çalışıb.