Əməkdar artist Rəmişin həyat yoldaşı Güllü Hüseynova ondan şikayət edib.

Axşam.az-ın məlumatına görə, “5/5” verilişinin qonağı olan gitara ifaçısının xanımı bu yaxınlarda 60 yaşının tamam olduğunu bildirib. Ad günündə isə Rəmiş onu təbrik etməyib:

“Bu günə kimi Rəmiş mənə heç nə almayıb. Bir dəstə çiçək də gətirməyib. Ad günüm idi. Heç sözlə də təbrik etmədi. Amma belə şeylərə önəm vermirəm. Mən Rəmişin hər istəyini, hərəkətini qəbul edirəm. Mənim üçün onun dedikləri, etdikləri kapriz deyil. Əsl kişi elə onun kimi olmalıdır. Gərək qadın hər çətinliyə dözə. Onda ailə möhkəm, uzunmüddətli olar”.