Aparıcı Lalə Azərtaş canlı yayımda həmkarı Mətanət Əliverdiyevaya sürpriz edib.
Axşam.az-ın məlumatına görə, jurnalist fəaliyyətinə başlamasından 20 il ötən M.Əliverdiyevaya çiçək dəstəsi göndərən aparıcı onu təbrik edib. Təəssüratlarını bölüşən Mətanət bu günün onun üçün doğulduğu gündən də önəmli olduğunu deyib:
“1995-ci il, yanvarın 21-də ANS-də işə düzəldim. Orada çalışan insanlara çox sağ ol deyirəm ki, püxtələşməyimdə rolları olub. Məhz oradakı peşəkarların mənim bu yerə çatmağımda əməyi var. Bu gün mənim üçün doğulduğum gündən də önəmlidir”.