Müğənni Əbdul Xalid Bakı Şəhər Mədəniyyət və Turizm İdarəsinin təşkilatçılığı ilə Mərdəkan Mədəniyyət Sarayında konsert verib.

Axşam.az-ın məlumatına görə, məcburi köçkün və şəhid ailələri üçün “Qarabağım” şüarı altında keçirilən xeyriyyə konsertində Xalid səhnəni sənət dostları ilə bölüşüb. 

Təəssüratlarını bölüşən ifaçı ona dəstək olan hər kəsə təşəkkür edib: 

“Çox şadam ki, “Can yoldaşım” adlı albomumda yer alan mahnıları ilk olaraq məcburi köçkün və şəhid ailələri üçün səsləndirdim. Bu konsert həm də albomun imza günü kimi yadda qaldı. Bu gün mənə aparıcı Samir Bayramlı, həmkarlarım Sevil-Sevinc bacıları, Sevinc Ağaşirinova, Nəzrin Hacıqızı da dəstək oldu. “Lalələr” və “Xəzər” rəqs kollektivlərinin çıxışları tamaşaçılar tərəfindən böyük maraqla izlənildi".