“Microsoft”un 20 il əvvəl çıxardığı brauzeri “Internet Explorer” daha olmayacaq.
Axşam.az Türkiyə mətbuatına istinadən xəbər verir ki, “Microsoft” şirkəti 2015-ci ilin sonunda təqdim edəcəyi “Windows 10” üçün yeni internet brauzer adı axtarır.
Şirkətin “Internet Explorer”dən (IE) imtina edəcəyi şaiyələri keçən ildən gündəmdə idi. 2002-ci ildə internet brauzerlər bazarında 95%-lik payı olan, indi isə cəmi 19%-lə kifayətlənən IE-nin nüfuzunun düşməyinin səbəbi kimi Firefox və Chrome brauzerlərinin daha çox bəyənilməsi göstərilir.