1990-cı illərdə çəkildiyi “Everybody loves Raymond” (“Hamı Raymondu sevir”) serialı ilə məşhurlaşan 19 yaşlı uşaq ulduz Soyer Sviten özünü güllələyib.

Axşam.az xarici mətbuata istinadən xəbər verir ki, ailəsini ziyarət etmək üçün Texasa yollanan gənc aktyorun intiharının səbəbi bilinmir. Ailəsi bu hadisədən şoka düşən Soyerin özünü öldürməsi ehtimalı polisə şübhəli görünüb.

Hazırda araşdırmalar aparılır.

Qeyd edək ki, Soyer Sviten 1995-2005-ci illərdə yayımlanan məşhur serialda əkizi Sullivanla və bacısı Medlinlə birlikdə çəkilib. Ekran işi bitdikdən sonra Soyer uzun müddət efirlərdən uzaq düşmüşdü.