"Bakı 2015"də altı qızıl qazandı

"Bakı 2015"də altı qızıl qazandı
3003 dəfə oxunub
  • A-
  • A
  • A+
Rusiya üzgüçüsü "Bakı-2015" I Avropa Oyunlarında ən çox medal qazanan idmançı kimi rekord müəyyənləşdirib.

Axşam.az-ın “ANS PRESS”ə istinadən yaydığı məlumata görə, 16 yaşlı Mariya Kameneva üzgüçülükdə müxtəlif yarışlarda 6 qızıl qazanmağı bacarıb. Kameneva daha bir gümüş və iki bürünc medalın sahibi olub. Bu göstərici I Avropa Oyunlarında rekorddur.

Gənc üzgüçü doqquzuncu medalını 4x200 yarışlarında qazanıb. I Avropa Oyunlarında ikinci ən çox medal qazanan idmançı da Rusiyadan olan Arin Opyonışevadır. 16 yaşlı idmançı Rusiya adına 7 qızıl və 1 gümüş medala yiyələnib.

Yarışlarda Rusiya komandası 78 qızıl, 40 gümüş və 43 bürünc medal qazanıb. Ümumilikdə 165 medal əldə edən Rusiya komandası I Avropa Oyunlarında ən çox medal qazanan heyət olub. Rusiyadan sonra ikinci pillədə ev sahibi Azərbaycan qərarlaşıb. Ölkəmiz 21 qızıl, 15 gümüş və 20 bürünc medal qazanıb. İlk üçlüyü Böyük Britaniya komandası tamamlayıb. Böyük Britaniya 18 qızıl, 10 gümüş və 19 bürünc medal əldə edib.