ATV-nin aparıcısı Afaq Gəncəlinin ad günüdür.

Təəssüratlarını Axşam.az-la bölüşən aparıcı ilk təbriki Ankarada olan övladından aldığını bildirib:

“Gecə saat 12-ni keçən kimi anam və oğlum zəng edib, təbrik bildirdi. Daha sonra isə dostlarımdan təbrik mesajları aldım. Ad günümü qeyd etməyi düşünmürdüm. Amma dostlarım buna imkan vermədi. Məni bir restorana dəvət etdilər. İnstaqramda şəklimizi görən hamı ora gəldi. Çoxları incidi ki, niyə bizi də çağırmadın? Amma heç özümün də xəbərim yox idi ki, ad günü keçirəcəm. yaxınlarımın sürprizi oldu. Mənim üçün hədiyyənin dəyərinin önəmi yoxdur. Fotomu sosial şəbəkədə paylaşıb, təbrik etmək belə böyük hədiyyə idi. Ad günlərimi sevirəm. Hamı üçün özəl olduğunu hiss edirsən. Heç vaxt ad günümdə kədərlənmirəm. Adam bu qədər təbrik, xoş söz görüb, necə kədərlənə bilər ki?”.