Türkiyəli müğənni Hadisə ötən gün şəhərimizin qonağı olub.

Axşam.az-ın məlumatına görə, sənətçi “Nar Şərab” restoranında konsert verib.

Bəstəkar Gövhər Həsənzadənin rəhbərlik etdiyi “Govkhar group”un təşkilatçılığı ilə baş tutan gecədə türkiyəli ifaçı sevilən mahnıları ilə qonaqları əyləndirib.

 Hadisə tək ifası ilə deyil, rəqsləriylə də tamaşaçıların könlünü oxşayıb.

Geyindiyi ağ qısa şortiki ilə diqqət çəkən Hadisənin konserti qonaqlar tərəfindən bəyənilərək qarşılanıb.

Foto: Rəşad ABBASOV