Sibel Can Bakıdan əliboş getmədi
Ötən həftə Bakıda konsert verən türkiyəli müğənni Sibel Can yeni albomuna Azərbaycan mahnısı daxil edəcək.
Axşam.az-ın məlumatına görə, bu barədə “Space” telekanalında yayımlanan “Plyus-minus” verilişinə açıqlamasında sənətçinin özü deyib.
“Yeni albom üzərində işləyirəm. Bunun üçün Azərbaycan mahnısı axtarışına çıxmışam. Sizin bəstələriniz mənim səsimə çox yaraşır. Bu səbəbdən albomda sizin mahnılardan oxuyacam. Bir-iki mahnılar var, onlar arasından ən yaxşısını seçəcəm” – deyə müğənni bildirib.