“
Heç bir stilistlə işləmirəm. Geyimlərimi özüm seçirəm. Hətta girib mağazadan 10 manata da paltar alıram. Amma onu 1500 manatlıq ayaqqabı, 2000 manatlıq pencəklə geyinib elə formaya salıram ki, ucuzluğu bilinmir”. Bu sözləri müğənni Rəqsanə İsmayılova Axşam.az saytının müxbirilə söhbətində deyib.
Sənətçi alış-verişi çox sevdiyini və hər paltardan üç ədəd aldığını bildirib:
“Bilirsiniz ki, Azərbaycan, Türkiyə və Rusiyaya tez-tez gedib gəlirəm. Üç qarderobum var. Əksər hallarda bir paltardan üç ədəd alıram. Əvvəllər Azərbaycandan alış-veriş edirdim. Sonra tədbirlərə gedəndə gördüm ki, mənim libasdan digər müğənni də geyinib. İndi özümə buradan nəsə almağı tamamilə qadağan etmişəm. Paltarlarımı yalnız xaricdən alıram. Qarderobumda ən çox ayaqqabı var. Əksəriyyəti isə “Saint Laurent” (YSL) brendindəndir”.
Rəqsanənin sözlərinə görə, o, açıq-saçıq geyinməyə pis baxmır:
“Əgər mən səhnə adamıyamsa, niyə də istədiyimi geyinməyim ki? Buna pis baxmıram. Qısa da, şortik də geyinərəm... Qadın tək açıq-saçıqlıqla cazibədar olmur”.
Xalq artisti İlhamə Quliyevanın ad günündə kürəyi açıq geyimi ilə diqqət çəkən Rəqsanə görünüşü üçün xərclədiyi məbləği açıqlayıb:
Don – Valentina 3000 dollar
Ayaqqabı – YSL 2500 dollar
Saçlarım qaynaqdır. Hər dəfə yeniləyirəm. Ustam Moskvada yaşayır – 3000 dollar
Makiyajımı özüm etmişdim.
Saat və sırğa çox bahalıdır, qiymətini deməkdən çəkinirəm – Chopard
Boyunbağı brilyantdır, hədiyyə ediblər – 8000 dollar
Müğənni bu imicinə ümumilikdə
16500 dollardan çox pul xərcləyib.