Xəbər verdiyimiz kimi, Azərbaycan Dövlət Akademik Opera və Balet Teatrı 108-ci teatr mövsümünü Ü.Hacıbəylinin “Leyli və Məcnun” operasının tamaşası ilə açacaq.

Teatrın mətbuat xidmətindən Axşam.az-a bildirilib ki, sentyabrın 18-də reallaşacaq açılış Üzeyir Hacıbəyli VIII Beynəlxalq Musiqi Festivalı çərçivəsində baş tutacaq. Tamaşada xalq artisti Mənsum İbrahimov (Məcnun) ilk dəfə tələbəsi gənc solist Arzu Əliyeva ilə (Leyli) birlikdə çıxış edəcək.

Həmçinin, səhnə əsərində əməkdar artistlər Cahangir Qurbanov, Təyyar Bayramov, Sabir Əliyev və başqaları da iştirak edəcək.

Tamaşanın dirijoru əməkdar incəsənət xadimi Sevil Hacıyevadır.