Aktyor Jerard Depardye italyan qəzeti "Corriere della Sera"ya verdiyi müsahibədə artıq özünü fransız kimi qəbul etmədiyini deyib.
Axşam.az-ın xarici KİV-ə istinadən məlumatına görə, Rusiya vətəndaşlığını qəbul edən aktyor keçmiş ölkəsi Fransanı "xaricilər üçün şərab və iylənmiş pendir istehsal edən avaralarla dolu" sözləri ilə xarakterizə edib:
"Fransada insanlar manipulyasiya edilir və heç bir azadlıq qalmayıb. İtaliya Fransaya nisbətən daha yaxşıdır və mədəniyyətini qoruyub saxlayıb".
Aktyor film deyə bir sənətin də artıq məhv olduğunu bildirib:
"Amerikalıların terrorla idarə etdiyi bir dünyada geriyə sadə bir əyləncə qalıb. Kinoda isə ancaq 10 məşhur aktyorla filmlər çəkilir və xüsusi effektlərlə dolu oyunlar hazırlanır".