Aparıcı və telekanal rəhbəri Acun İlıcalının qızı Banunun toyu iki gündür ki, gündəmdən düşmür.

Axşam.az-ın məlumatına görə, Türkiyə mediası toydan yeni fotolar yayıb. 700 nəfərin iştirak etdiyi mərasim İstanbulda otellərdən birində baş tutub. Gecədə Acunun dostları, sənət, televiziya və idman dünyasının məşhurları iştirak edib.

Müğənni Hadisə toya bacıları ilə birgə gəlib. Onun həmkarı Mustafa Sandal isə həyat yoldaşı Emina ilə görünüb. Onlardan başqa Fatih Terim, Murad Boz, Öykü Serter, Burcu Esmersoy və sair tanınmışlar da gənc cütlüyü təbrik edənlər arasında olub.

Qeyd edək ki, Acunun böyük qızı olan Banu Efe Ceyhun adlı şəxslə ailə qurub.