Ötən həftə Polşa parlamentində abortu qadağan edən qanun qəbul edilmişdi.

Axşam.az Euronews-a istinadən xəbər verir ki, qərara əsasən, xəstəlik və təcavüz hadisələrində də aborta icazə verilməyəcək.

Qərardan narazı qalan minlərlə qadın bir neçə gündür parlament binası önündə aksiya keçirirlər.

Aksiya iştirakçıları, qərar ləğv edilməzsə nümayişlərə davam edəcəklərini və oktyabrın 3-də bir çox ictimai sektorda tətilə çıxacaqlarını açıqlayıblar.

Qeyd edək ki, əhali artımı çox zəif olan Polşada hər il 150 minə yaxın qadının abort etdirdiyi bildirilir.