Əməkdar artist Sevda Ələkbərzadə son günlər hədsiz arıqlaması ilə diqqət çəkib.

Müğənni Axşam.az-a açıqlamasında 49 kiloqram olduğunu deyib.

O bildirib ki, ciddi pəhriz saxlayıb:

“Üzgüçülüklə məşğul oluram. Amma pəhriz olmasa, bu qədər arıqlaya bilməzdim. Yağlı, qızartma, şokolad, şirniyyat yemədim. Meyvəni də azaltmdım. Çünki meyvə vitamindir, kökəldir. 1 ildir yeməyimi azaltmışdım, 6 aydır daha ciddi pəhrizə oturmuşam. 59 kiloqram idim, 10 kiloqram çəki atdım. Artıq pəhriz bitdi, çalışıb kökəlməməliyəm”.

Yaradıcılığından bəhs edən S.Ələkbərzadə yeni albom hazırlayacağını söyləyib:

“Yeni mahnılar hazırlayıram. Eyni zamanda da yeni albom düşünürəm. Pop musiqilərindən ibarət olacaq. Konsert planım var, amma bunun üçün yeni repertuar hazırlamalıyam. Bu ərəflərdə çox konsertlər verdim, tamaşaçılar mahnılarımı dinlədi. İstəmirəm onları yorum. Bu dəfə qarşılarına yepyeni repertuarla çıxmağı planlaşdırıram”.