Mişel Obamadan sonra ABŞ-ın birinci xanımı Melaniya Tramp oldu.

Axşam.az-ın xarici KİV-ə istinadən verdiyi məlumata görə, bu gün ABŞ-ın 45-ci prezidenti Donald Tramp seçilib və onun həyat yoldaşı Melaniya Tramp da ölkənin birinci xanımı olub.

46 yaşlı Sloveniya gözəli daim həyat yoldaşını dəstəklədiyini və ona inandığını bildirib.

"Mən Trampa inanırdım. Mehribanlıq həmişə hər şey deyil. Mənim onu sevməyimə də səbəb budur", - deyə o qeyd edib.

Milaniya Knauss 1970-ci ildə Sloveniyada anadan olub. Model karyerasına 16 yaşında Milan və Parisdə keçirilən gözəllik yarışmalarına qatılmaqla başlayıb və tez bir zamanda uğur qazanıb.

1999-cu ildə "Allure" jurnalında işə başlayarkən Trampla tanış olub. Nyu-Yorkda model kimi fəaliyyətini davam etdirərkən isə onların münasibəti daha da yaxınlaşıb.

2005-ci ildə Melaniya Knauss Donald Trampa ərə gedib. Onların möhtəşəm toyuna bir milyon dollar xərclənib.