Türkiyədə ötən gün "Sen Benim Her Şeyimsin" adlı filmin qala gecəsi keçirilib.

Axşam.az-ın "Haberler.com"a istinadən məlumatına görə, filmdə övladını atıb gedən ana obrazını canlandıran Melis Birhan gecədə geyindiyi geyimlə hər kəsin diqqətini öz üzərinə çəkib. Uzun qara donda olan 33 yaşlı aktrisa film haqqında deyib:

"Çox gözəl çalışdıq. Səmimi bir film çəkdik. İnşaallah, tamaşaçılar da bizimlə eyni fikirdə olar".

Qalada, eyni zamanda, Cem Yılmaz, Esra Erol, Ahu Türkpençe, Erdem Yener, Selma Ergeç, Murad Cemcir, Tolga Sarıtaş, Burak Hakkı, Şenay Akay və Sibel Turnagöl kimi məşhurlar da olublar.