Birinci xanım qızları ilə şənlikdə - fotolar Birinci xanım qızları ilə şənlikdə - fotolar

 
  29.12.16   20:00                                                                                                                                         a -   A + Mədəniyyət

Heydər Əliyev Fondu Dünya Azərbaycanlılarının Həmrəylik Günü və Yeni il bayramları ərəfəsində “Buta” sarayında uşaqlar üçün ənənəvi şənlik təşkil edib.

Axşam.az xəbər verir ki, Heydər Əliyev Fondunun prezidenti Mehriban Əliyeva, Fondun vitse-prezidenti Leyla Əliyeva və Arzu Əliyeva uşaqların bayram şənliyində iştirak ediblər. Bu il də şənlik iştirakçılarına yeni tərtibatda hazırlanan proqram təqdim edilib.

Mehriban Əliyeva bayram şənliyində çıxış edib:

“Hörmətli müəllimlər, çox hörmətli valideynlər, hörmətli sənətçilər, əziz uşaqlar.

2016-cı il son günlərini yaşayır. Biz bu gün yeni 2017-ci ili birgə qarşılayırıq. Mən çox şadam ki, artıq 12 ildir Heydər Əliyev Fondu paytaxtımızda yerləşən bütün uşaq evlərində, internat məktəblərində yaşayan, tərbiyə və təhsil alan uşaqlar üçün yeni il şənlikləri təşkil edir. Yeni il həm uşaqların, həm də böyüklərin ən sevimli bayramlarından biridir. Adətən bu bayramı insanlar doğmaları və əzizləri ilə bərabər qeyd edirlər. Mən çox şadam ki, bu gün biz böyük bir ailə, ən əziz insanlar kimi 2017-ci ili birgə qarşılayırıq.

Əziz uşaqlar, ömrünüzün bu çağında sizin ən əsas vəzifəniz yaxşı oxumaqdır, bilik, savad qazanmaqdır. Mən ümidvaram ki, siz bu ili yaxşı qiymətlərlə və ən əsası da yeni biliklərlə başa çatdırırsınız. Sizin qarşınızda böyük ömür yolu var. Bu ömür yolunda layiqli, sağlam, savadlı, bacarıqlı vətənpərvər insan olmaq üçün bu gün tam gücünüzlə təhsil alıb oxumalısınız. Bu yolda sizə müəllimləriniz kömək edir. Bu gün Azərbaycanın bütün müəllimlərinin əməyini qeyd etmək istəyirəm. Bütün peşələr dəyərlidir, qiymətlidir, gözəldir. Lakin müəllimlik elə bir peşədir ki, onun məhsulu insandır. Biz bilirik ki, hər bir ölkənin, hər bir cəmiyyətin gələcəyi onun yeni nəslindən asılıdır. Ona görə müəllimlik ən müqəddəs, ən şərəfli peşədir. Təkcə hansısa bir fənni tədris etməklə, bilik verməklə müəllimin vəzifəsi bitmir. Müəllim səylərini yüksək mədəniyyətə, milli-mənəvi dəyərlərə, geniş dünyagörüşünə malik olan, xalqa, Vətənə layiqli, vətənpərvər vətəndaş böyütməyə yönəldir. Mən əminəm ki, əziz uşaqlar, siz məhz belə insanlar kimi böyüyəcəksiniz. Bizim arzumuz sizləri mənəvi və fiziki sağlam, savadlı, bilikli, mədəniyyətli, güclü, iradəli vətənpərvər görməkdir. Siz müstəqil Azərbaycanda doğulmusunuz və müstəqil Azərbaycanda böyüyürsünüz. Bu, sizin ən böyük xoşbəxtliyinizdir.

Ötən 2016-cı ildə Azərbaycan müstəqilliyinin bərpa olunmasının 25-ci ildönümünü qeyd etdi. Bu, bizim ən böyük sərvətimizdir. Azərbaycan bu illər ərzində böyük və şərəfli yol keçib, böyük nailiyyətlər əldə edib, böyük qələbələrə imza atıb. Biz fəxr edirik ki, Azərbaycan müstəqil, qüdrətli, dünya xəritəsində öz layiqli yerini tutmuş, öz sözünü söyləyən və maraqlarını qoruyan bir dövlətdir. Ötən il yaddaşımızda həm xoş anlarla, yeni nailiyyətlərlə, yeni qələbələrlə, həm də çətinliklərlə, çətin anlarla, itkilərlə qalacaq.

Azərbaycanın müstəqilliyi, ərazi bütövlüyünün bərpası, ölkəmizin daha qüdrətli, daha möhkəm olması yolunda şəhid olmuş bütün insanlara Allah rəhmət eləsin. Onların əziz xatirəsi Azərbaycan xalqının qəlbində daim yaşayacaq. Siz gənc nəsil onların əməllərini, ideyalarını həyata keçirəcəksiniz.

Mən bu gün artıq 12 ildir ki, bizim bu şənliklərə dəstək verən Azərbaycanın sənət adamlarına, bütün müğənnilərə, artistlərə öz dərin minnətdarlığımı bildirirəm. Mən sizə Yeni ildə cansağlığı, yeni nailiyyətlər arzulayıram.

Əziz dostlar, sizi qarşıdan gələn Dünya Azərbaycanlılarının Həmrəylik Günü və Yeni il münasibətilə səmimi qəlbdən təbrik edirəm. Sizə möhkəm cansağlığı, xoşbəxtlik, yeni nailiyyətlər arzulayıram. Qoy, Azərbaycan müstəqilliyimizin əbədiliyi naminə yaşasın, daim yaşasın, güclənsin! Çox sağ olun, sizi təbrik edirəm”.

 























Səhifənin yuxarısına keçidYuxarı  
 
 
 
 
Facebook   Twitter   MySpace   Google         2989 dəfə baxılıb
 
loading...
 
 

Azərbaycan filmləri Banqladeşdə Azərbaycan filmləri Banqladeşdə
...
23.01.17
Əməkdar artistlə vida mərasimi keçirilib - fotolar Əməkdar artistlə vida mərasimi keçirilib - fotolar
...
23.01.17
Hamlet Xanızadənin xatirəsi anılacaq Hamlet Xanızadənin xatirəsi anılacaq
...
23.01.17
"Almaz"ın premyerası olub - fotolar
...
23.01.17
Rus Dram Teatrının fevral repertuarı Rus Dram Teatrının fevral repertuarı
...
21.01.17
Şəfiqə Axundovanın anadan olmasından 93 il keçir Şəfiqə Axundovanın anadan olmasından 93 il keçir
...
21.01.17
Dövlət Pantomima Teatrının fevral repertuarı Dövlət Pantomima Teatrının fevral repertuarı
...
21.01.17
Kinoteatrda 20 Yanvar şəhidləri yad edildi Kinoteatrda 20 Yanvar şəhidləri yad edildi
...
19.01.17
“Əli və Nino” filminin Avropa premyerası olacaq “Əli və Nino” filminin Avropa premyerası olacaq
...
19.01.17
Bəstəkarlar İttifaqında 20 Yanvar şəhidlərinin xatirəsi yad olunub Bəstəkarlar İttifaqında 20 Yanvar şəhidlərinin xatirəsi yad olunub
...
18.01.17
Parisdə Parisdə "Cesar-2017" film festivalının təqdimatı olub - fotolar
...
18.01.17
Musiqili Teatr Fəcr Festivalında Musiqili Teatr Fəcr Festivalında
...
18.01.17
“Qayınana“ filmi ilk dəfə alman dilində “Qayınana“ filmi ilk dəfə alman dilində
...
18.01.17
Xalq artistləri bu tamaşada bir araya gələcəklər Xalq artistləri bu tamaşada bir araya gələcəklər
...
17.01.17
“Vurğuna vurğun gəlin” nümayiş olunacaq “Vurğuna vurğun gəlin” nümayiş olunacaq
...
17.01.17
 
 
 
 
Xəbər lenti