Əməkdar artist Eyyub Yaqubov “Ağanatiq” adlı yeni mahnısını təqdim edib.

Axşam.az-ın məlumatına görə, mahnı “Planeta parni iz Baku” komandasının lentə aldığı eyniadlı filmin soundtrəkidir. Bəstənin sözləri və musiqisi Elçin İmanova məxsusudur.

Qeyd edək ki, filmdə əməkdar artistlər Bəhram Bağırzadə, Tahir və Cabir İmanov qardaşları, Tünzalə Ağayeva, aktyorlar Azər Məmmədzadə, Emil Abbasov, Mirsalam Mirsalamov, bəstəkar Elçin İmanov rol alıblar. 

Komediya janrında olan film fevralın 1-dən etibarən kinoteatrlarda nümayiş olunacaq.