Müğənni Sabina Selcan “Mənə yaxın gəl” adlı mahnısını və klipini təqdim edib.

Axşam.az-ın məlumatına görə, ifaçı bildirib ki, klipin ekran həllini rejissor Orxan Məmmədliyə həvalə edib:

“Lirik mahnının söz və musiqisi İsmayıl Əsədova aiddir. Aranjimançı Samir Şirinovdur. Yanımda olan, bütün işlərimdə mənə kömək edən insanlara çox sağ ol deyirəm. Azərbaycanda ilk dəfədir ki, belə sonluqla bitən klip çəkilir. Ekran işində qarşı tərəf həm var, həm də yoxdur. Həyatda da bəzi sevgililərin qadının həyatında olub-olmaması hiss edilmir. Klipdə də bunu göstərməyə çalışdıq. Klipə baxanlar biləcək ki, əslində Sabina Selcan nə deyir”.

Sabina sevgidən də danışıb:

“Sevgi keçmişi və gələcəyi qəbul etməyən tək ehtirasdır. Deyirlər, sevgi hər şeyə qalib gəlir. Onda gəlin, biz də onun hökmünə tabe olaq. Yeni mahnım da elə sevgidən bəhs edir. Bunu bütün sevənlər üçün oxumuşam. Sevgi ruhun gözəlliyidir, gəlin ruhumuzu təmiz saxlayaq. Sevib-sevilməkdən gözəl nə var ki?”.