2014-cü ilin avqustunda ailə quran aktrisa Birce Akalay və aktyor Sarp Levendoğlu cütlüyü dünən rəsmən boşanıb.
Axşam.az-ın Türkiyə mətbuatına istinadən məlumatına görə, daha əvvəl iki dəfə boşanmaq qərarından son anda dönən tərəflər bu dəfə yollarını ayırıb.
Yanvarın 10-da məhkəməyə müraciət edən aktyor xanımından boşanmaq istədiyini bildirmişdi. Məhkəməyə vəkilləri ilə gələn Sarp və Bircenin məhkəməsi 10 dəqiqə çəkib və hakim onları rəsmən boşayıb.
Bir-birlərindən hər hansı maddi və mənəvi təzminat tələb etməyən ikili boşanma qərarının ardından fərqli avtomobillərlə məhkəmə binasından ayrılıblar.