Müğənni Britni Spirsin İran əsilli sevgilisi, model Sem Asgarinin ona xəyanət etdiyi iddia olunur.

Axşam.az-ın xarici KİV-ə istinadən məlumatına görə, özündən 12 yaş kiçik modellə eşq yaşayan Britninin qohum və dostları ona Semin münasibətinin ciddi olmadığını bildirib. İfaçının qohumları dəfələrlə Asgarinin ondan istifadə etdiyini vurğulayıblar. Lakin heç kimə qulaq asmayan Spirs Semlə münasibətlərinə davam edib.

Qərb mətbuatı bu gün 23 yaşlı Asgarinin 27 yaşlı model Morqan Osmana gözünün düşdüyü haqqında xəbər yazıb. Məlumata əsasən, bu barədə Morqan özü bildirib. O, İnstaqram səhifəsində Semin onu öpın yerdə şəklini yerləşdirib və yazıb:

“Gülməli vəziyyət idi, amma o qədər xoş xatirələr var idi ki…”

Bundan sonra Britninin fanatları Osmanı tənqid atəşinə tutublar və o, fotonu səhifəsindən silib. Şəklin yeni və ya bir neçə il bundan əvvəl çəkildiyi dəqiq bəlli deyil. Sem bu barədə hələ ki, açıqlama verməyib.

Qeyd edək ki, bir müddət əvvəl Spirsin atası Ceymi də qızının özündən kiçik modellə görüşməyinin əleyhinə idi. O da Semin qızından istifadə etdiyini və ondan pul ələ keçirtmək istədiyini bildirib.

Xatırladaq ki, Britni Asgari ilə "Slumber party" klipinin çəkilişləri zamanı tanış olub. S.Asgarinin müsəlman olduğu iddia edilir.