ATV-nin bu serialı bağlandı - reytinqə görə

ATV-nin bu serialı bağlandı -  reytinqə görə
41034 dəfə oxunub
  • A-
  • A
  • A+

ATV-də yayımlanan “Kişi sözü” serialının yayımı dayandırlıb.

Serialın baş prodüseri Elməddin Cəfərov məsələ ilə bağlı Axşam.az-a açıqlama verib.

O bildirib ki, ekran işinin yayımını dayandırmaqda iki səbəbləri olub:

“Biz elə bildik ki, Azərbaycanda yenilik edib, romantik komediyanı yaratsaq, gülüşlə ağlamağı bir araya gətirsək, nəsə qazanacağıq. Amma düşündüyümüz kimi olmadı. Tamaşaçı bunu qəbul etmədi. Bizdə gərək sırf ya ağlamalı, ya da komediya filmi çəkəsən. İkisinin birləşməsi alınmır. Nəzərdə tutduğumuz reytinq olmadı. Mənim planımda var idi ki, serial 15 reytinq verəcək. Amma 9-12 reytinq gəlirdi. Bir də sponsorlar maddi dəstək olmadı. ATV-nin maddi dəstəyi ilə çəkdik, amma bu da kifayət etmir, kənardan gəlir lazımdır. Təlabatlı serial olmadığı üçün biz də yayımı kəsdik. Son bölümümüz ötən həftəsonu efirə getdi”.

E.Cəfərov gələn mövsümdə yeni serial çəkəcəklərindən də xəbər verib:

“Bu, mənə dərs oldu. Əslində Türkiyədə bu janrda seriallar var, amma reytinqləri partlatmır. İndi yeni nəsə etməyi düşünmürük. Təkrarçılıq etməkdən qorxuruq. Mövsüm başa çatsın, yeni beyinlə maraqlı serial hazırlayıb avqustdan təqdim edəcəyik. Əlimizdə bir-iki ssenari var. Bir də böyük bir şou etmək istəyirəm. İnşallah, alınar”.