Müğənni Keremcem baş rolda çəkildiyi "O Hayat Benim" serialı ilə bağlı açıqlama verib.

Axşam.az-ın Türkiyə mətbuatına istinadən məlumatına görə, o, "Fox TV"də yayımlanan serialın bu mövsüm final edəcəyini bildirib.

Son zamanlar müğənniliyə daha çox diqqət ayıran Keremcem serialla bağlı belə deyib:

"Serial gözəl gedirdi. Bu mövsüm final olacaq. Amma tarixi hələlik bilinmir".

Qeyd edək ki, baş rollarını Keremcem və aktrisa Ezgi Asaroğlunun ifa etdiyi "O Hayat Benim" 16 fevral 2014-cü il tarixdən yayıma başlayıb, hazırda 122-ci seriayası çəkilir.