Əməkdar artist Elnarə Abdullayevanın "Üzü gülsün anaların" adlı solo konserti baş tutub.

Axşam.az-ın məlumatına görə, tədbir Opera və Balet Teatrında gerçəkləşib. Xanəndə gecədə mahnılar səsləndirib, tamaşaçılarla söhbətlər edib.

İki gün davam edən konsertin tamaşaçıları arasında paytaxtımıza gələn turistlər də yer alıblar.

E.Abdullayeva bildirib ki, gecənin təşkilatçısı və repertuar tərtibatçısı Asif Kərimovdur.

Muğam ifaçısı konsertdə "Leyli və Məcnun" operasından səhnəcik də nümayiş etdirib.

Foto: Ramin ASLANOV