Kristin və Qunter Holtorf adlı cütlük 24 il dünyanı səyahət ediblər.

Axşam.az-ın xarici KİV-ə istinadən məlumatına görə, əvvəl planlarında yalnız Afrikanı görmək olsa da, daha sonra 215 ölkəni gəziblər.

Alman cütlük 900 min kilometr yol qət ediblər. "Otto" adını verdikləri avtomobilləri ilə səyahət edən cütlük bu dövrdə fərqli hakimiyyətlərə, müharibələrə, qarşıdurmalara və müxtəlif iqlimlərə rast gəliblər. Hətta avtomobil Ginnesin rekordlar kitabına da düşüb.

Qunter Holtorf 77 yaşında səyahətini yekunlaşdırıb yaşadıqları yerə - Svabyaya qayıdıb. Lakin geri gələndə o, artıq tək idi. Çünki Kristin 2010-cu ildə vəfat etmişdi.