Bakıda “Youthvision” II beynəlxalq mahnı müsabiqəsi başlayır

Bakıda “Youthvision” II beynəlxalq mahnı müsabiqəsi başlayır
298 dəfə oxunub
  • A-
  • A
  • A+
Azərbaycan Respublikası Gənclər və İdman Nazirliyi tərəfindən Azərbaycan Tələbə Gənclər Təşkilatları İttifaqı ilə birgə “Youthvision” II Beynəlxalq mahnı müsabiqəsi keçiriləcək.

Nazirlikdən Axşam.az-a verilən məlumata görə, aprelin 21-də Bakıda "Elektra Events Hall"da “Həmişə Gənc” şüarı altında altında keçirilən müsabiqənin həyata keçirilməsi təşəbbüsü Azərbaycan Tələbə Gənclər Təşkilatları İttifaqına məxsusdur.

Müsabiqənin keçirilməsində əsas məqsəd yaradıcı və istedadlı gənclərin mədəni potensiallarının reallaşdırılması və onlar arasında beynəlxalq təcrübə mübadiləsinin həyata keçirilməsi üçün lazımi şəraitin yaradılmasıdır.

Müsabiqə haqqında məlumatın yerləşdirilməsi və iştirakçıların onlayn qeydiyyatı məqsədi ilə 2016-cı ildə youthvision.az saytı istifadəyə verilmişdir. Müsabiqə 14-35 yaşarası gənclər arasında keçirilir.

Müsabiqədə qiymətləndirilmə beynəlxalq münsiflər heyəti tərəfindən aparılır. Bu məqsədlə hər iştirakçı dövlətdən 1 nəfər münsif üzvü dəvət olunur.

Müsabiqəyə ümumilikdə xarici ölkələrədən iştirakçılar, münsiflər və onları müşaiyət edən şəxslər qismində 80-90 nəfər nümayəndənin gəlişi gözlənilir.