Tanınmış rejissor Nail Naiboğlu çəkdiyi kliplərdən ibarət albom çıxarır.

Axşam.az-ın məlumatına görə, o, rejissorluq etdiyi 200 klipdən 25 ən yaxşısını seçərək bir diskdə cəmləşdirəcək. Alboma "Payız" adını verən Nail Naiboğlu bunun səbəblərindən də danışıb: “Bu adı seçməyimin birinci səbəbi hazırda payız fəslinin olmasıdır. Bununla yanaşı Manana üçün çəkdiyim “Payız” klipindən təsirlənərək də bu addımı atmışam. Öz albomum olduğu üçün istədiyim adı verməkdə sərbəstəm".

Qeyd edək ki, rejissorun kliplərindən ibarət albom tezliklə satışa çıxarılacaq.