Xalq artisti, məşhur diktor Rafiq Hüseynov xəstəxanadan evə buraxılıb.
 
Axşam.az-ın APA-ya istinadən məlumatına görə, bu barədə Rafiq Hüseynovun özü deyib. R. Hüseynov müayinə üçün Türkiyəyə getməyi planlaşdırdığını açıqlayıb:
 
“Deyə bilmərəm ki, yaxşıyam, yaxşı olmaqdan keçib. Müalicələr davam edir, həkim nəzarəti altındayam. Yenidən Türkiyəyə getməliyəm ki, müayinə olunum. Onkoloji xəstəlik məni incitmir, onun fəsadları aradan qalxıb. İndi müxtəlif xəstəliklərdən əziyyət çəkirəm. Diaqnoz bir xəstəliklə bağlı deyil. Sağlıq olsun, gedim Türkiyəyə, görək həkimlər nə deyir”.
 
Qeyd edək ki, R. Hüseynov mayın 16-dan Mərkəzi Neftçilər Xəstəxanasında müalicə olunurdu.