Model qızın ölümündə günahlandırılan həkim haqda ilginc faktlar

Model qızın ölümündə günahlandırılan həkim haqda ilginc faktlar
43200 dəfə oxunub
  • A-
  • A
  • A+

Bakıda 22 yaşlı model Leylanın əməliyyatdan sonra dünyasını dəyişməsi cəmiyyətdə böyük rezonans doğurub.

Axşam.az-ın musavat.com-a istinadən məlumatına görə, gənc qızın əməliyyatının iranlı cərrah Sirus Qoçqani tərəfindən həyata keçirildiyi iddia olunur.

Leyla Şıxlınskaya klinikasında çalışan cərrah Rafiq Dəmirçalov sosial şəbəkədə adı çəkilən iranlı həmkarı haqda maraqlı faktlar açıqlayıb. Onun sözlərinə görə zamanında Milana Hospitalının direktoru işləyərkən işində verdiyi nöqsanlara görə Sirus Qoçqanini hospitaldan qovalayıb:

"İranlı estetik cərrah Sirus Qoçqaninin əməliyyat etdiyi 22 yaşlı model dünyasını dəyişdi. Burada ölümə səbəb əsasən həkim səriştəsizliyidir. Əvvəla gənc və həm də model olan bir qızı əməliyyata alarkən, onun valideynləri ilə məsləhətləşmə aparılmalı idi. Bunu etməyiblər, pula görə belə işlər görmək olmaz. Mən özüm Milana Hospitalda direktor olarkən Sirus Qoçqani mənim işçim idi. Neçə dəfə mən onun əməliyyatını dayandırdım. Kassanın pulunu ödətdirmədən xəstəni əməliyyata alır. Olmaz. Belə şeylərə görə mən onu hospitaldan qovaladım. Doğrudur, sonra məni də qovaladılar. Ancaq mənim günahım yox idi. İndi yenə qayıtdım Leyla Şıxlinskaya Klinikasına. Burada da inanmıram çox qalım. Çünki köhnə şikayətçilər tökülüşüb gəlirlər. Sözümün canı budur ki, Sirus Qoçqani ildə az qala bir neçə nəfəri bu günə qoyur".

Qeyd edək ki, estetik cərrah Sirus Qoçqani hazırda "Zəfəran Hospital"da fəaliyyət göstərir. Mətbuatda gənc qızın bu hospitalda əməliyyat olunduğu bildirilir.

Xatırladaq ki, "azxeber.com"-un xəbərinə görə, 22 yaşlı Leylanın 21 iyun tarixində ailəsinə xəbər vermədən liposaksiya (piy sovurma) əməliyyatına girib. Əməliyyatdan iki gün sonra - 25 iyun tarixində isə gənc qız vəfat edib. Ölümün hansı səbəbdən baş verdiyi bəlli olmasa da, müxtəlif versiyalar səslənir. Belə ki, mərhumun böyrək çatışmazlığından öldüyü bildirilir. Ailəsi isə Leylanın vəfatında həkimin günahkar olduğunu bildirirlər.

Məsələ ilə bağlı adı çəkilən həkimin də rəyini dərc etməyə hazırıq.