Rusiyanın Xalq Artisti Anna Netrebko (soprano) və həyat yoldaşı Azərbaycanın Əməkdar Artisti Yusif Eyvazov (tenor) iyulun 24-də Əlişir Nəvai adına Özbəkistan Dövlət Akademik Böyük Teatrında çıxış edəcəklər.
Axşam.az-ın məlumatına görə, konsert proqramında, həmçinin Lüdovik Tizye (baritone, Fransa) və Yelena Jidkovanın (metso-soprano, Rusiya) çıxışı nəzərdə tutulur.
Özbəkistan Milli Simfonik Orkestrinə Denis Vlasenko (Rusiya) dirijorluq edəcək.