Müğənni İbrahim Tatlısesin ifaçı oğlu İdo Tatlıses qatıldığı proqramlardan birində səmimi açıqlamalar verib.

Axşam.az-ın Türkiyə mətbuatına istinadən məlumatına görə, o, ailəsindən bəhs edəcək bir veriliş hazırlayacağını bildirib:

“Hər şeyi yayımlayacam. İbrahim bəyin hirslənməyindən tutmuş, bağırmasına kimi. Anam da olacaq. Hər şey olacaq. Tatlıseslərdən ibarət realiti şou olacaq. Bir televiziya kanalında bunu rahat edə biləcəyimi düşünmürəm. Ona görə veriliş “Youtube”da göstəriləcək”.

İdo son zamanlar 15 kiloqram arıqladığını və gülərək yeni hazırlayacağı proqramına lüt çıxacağını bildirib.

Gənc sənətçi “Sevgiliniz varmı” sualına belə cavab verib:

“Olsaydı, deyərdim. Amma yoxdur. Anam kimi birisini tapsam, evlənəcəm. İbrahim şanslı biri olub. Anama qalsa, 30, özümə qalsa, 40 yaşında ailə quraram”.