Müğənni Nadir Qafarzadə Ukrayna səfərindən danışıb.

Axşam.az-a açıqlama verən sənətçi Bakı üçün darıxdığını bildirib:

“Ukraynada istirahət edirəm. Buraya səfərim həm istirahət, həm də yaradıcılıq xarakteri daşıyır. İnanın ki, şou-biznesin dedi-qodularından, söz-söhbətlərindən uzaqda hər şey gözəldir. Bakıda olmasam da, haqqımda danışırlar, səs-soraqları mənə çatır. Onlara fikir vermirəm. Cavabım layihələrimlə olacaq. İndi sənətimin zirvəsindəyəm. Kiməsə cavab versəm, onu reklam etmiş olaram”.

Müğənni həmçinin qeyd edib ki, noyabrın 22-dən sonra Bakıya qayıdacaq.