“Deliha” filmində tanış olub münasibətə başlayan aktyor Barış Arduçun sevgilisi, aktrisa Gupse Özay bu dəfə filmin ikinci hissəsinə çəkiləcək.

Axşam.az-ın Türkiyə mətbuatına istinadən məlumatına görə, rolu üçün Gupse kökəlməyə başlayıb. O, sosial şəbəkədə paylaşdığı yeni fotoda da artıq çəki aldığını nümayiş etdirib.

Aktrisa şəklin altına “Zelihaya addım-addım. Vay mənim kilolu halıma. Bir də özümə belə obraz yazarsam…” qeydini yazıb.

Xatırladaq ki, Özay ssenarisini yazdığı və rejissorluq etdiyi “Deliha 1”də Barışla çəkilsə də, ikinci hissədə sevgilisi olmayacaq. Cütlük bu dəfə tamaşaçılar qarşısına fərqli filmlərlə çıxmaq qərarına gəlib.

Qeyd edək ki, 2014-cü ildə ilk filmi üçün 15 kiloqram kökələn Gupse daha sonra pəhrizlə 22 kiloqram çəki atmışdı.