Bakının daha 2 parkında pulsuz Wi-Fi olacaq

Bakının daha 2 parkında pulsuz Wi-Fi olacaq
1001 dəfə oxunub
  • A-
  • A
  • A+

“Bakı Telefon Rabitəsi” MMC pulsuz “Wi-Fi” xidmətinin əhatə dairəsini “Dədə Qorqud” və “Nərimanov” parklarınadək genişləndirib.

Axşam.az-ın məlumatına görə, bu barədə Trend-ə telekommunikasiya bazarındakı mənbədən məlumat verilib.

Məlumatda qeyd olunur ki, bu parklarda pulsuz internet yaxın zamanlarda aktiv olacaq.

Qeyd edək ki, simsiz internet şəbəkəsinin genişləndirilməsi üzrə işlər mart ayından “İctimai Wi-Fi” layihəsi çərçivəsində aparılır. Hazırda bu şəbəkəyə “İçərişəhər” dövlət tarix-memarlıq qoruğu, Dənizkənarı Milli Park, Heydər Əliyev Mərkəzinin parkı, “Qış parkı”, “Zabitlər” parkı, “Sahil”, “Axundov”, “Sabir”, “Xaqani”, “Hüseyn Cavid”, “Səməd Vurğun” və “Muğan” bağları daxildir.

Xidmət işə salındıqdan indiyədək şəbəkəyə 500 mindən çox qoşulma qeydə alınıb.