Zuhal Topalın aparıcılıq etdiyi izdivac verilişinə qatılan Birkan adlı bəy namizədi qadınları əxlaqsızlığa cəlb etmə cinayətindən həbs edilib.

Axşam.az Türkiyə mediasına istinadən xəbər verir ki, aparıcı ilk dəfə verilişində iştirakçı olan Birkanın adının “fahişəlik əleyhinə əməliyyat”da hallanmasından danışıb. O, açıqlamasında bütün məsuliyyətin proqramın prodüserinin üzərində olduğunu bildirib:

“Daha əvvəl də qeyd etdiyim ki, verilişin prodüseri mən, mənim ərim, ya da ailəmdən biri deyil. Yayılan xəbərlərin səbəbkarı prodüser şirkətidir. Mənimlə əlaqəsi olmayan xəbərlərin adımla birlikdə hallandırılaraq yayılmamasını xahiş edirəm”.