Azərbaycanda universitetdə hicablı tələbələr dərsə buraxılmır

Azərbaycanda universitetdə hicablı tələbələr dərsə buraxılmır
8041 dəfə oxunub
  • A-
  • A
  • A+

Mingəçevir Dövlət Universitetində hicablı tələbələri dərsə buraxmırlar. 
 
Axşam.az Modern.az-a istinadən xəbər verir ki, məsələ ilə bağlı açıqlama verən universitetin rektoru Akif Hacıyev xəbərin doğru olduğunu təsdiqləyib:
 
"Biz Mingəçevir Dövlət Universitetinin Nizamnaməsinin 1.7-ci bəndinə əsasən, universitetdə təhsil alanların geyim formasının Elmi Şuranın qərarı ilə müəyyənləşdirmişik".
 
Rektor bildirib ki, universitetdə 2-3 nəfər tələbə hicablıdır:
 
"Biz hicabın əleyhinə deyilik. Özləri bilər. Amma dərsə daxil olanda hicabınızı açın və dərs bitəndən sonra hicabınızı taxın. Vəssalam. Bir də ki, üzü saqqallı gənclərin dərsə gəlməsini qadağan etmişik. Burada qəbahətli heç nə yoxdur. Azərbaycanda din dövlətdən ayrıdır. Artıq tələbələr dərsə hicabsız gəlirlər. Heç bir problem yoxdur”