Zaur Kamalın aparıcılıq etdiyi "5/5" verilişində yeni rubrika təqdim olunub.

Axşam.az-ın məlumatına görə, "Elçilik" adlanan hissədə aparıcı müğənnilərlə birlikdə elçi gedir. O bildirib ki, Bərdədə yaşayan Süleyman adlı 26 yaşlı oğlana sevdiyi qızı verməyiblər. Buna səbəb isə qızın 16 yaşı olmasıdır. Süleyman deyib ki, 1,5 ildir qızı sevir.

Zaur müğənni Könül Kərimova, Tacir Şahmalıoğlu və başqaları ilə birlikdə elçiliyə gedib. Nəticədə valideynlər qızı verməyə razılaşıblar.

Onlar bildirib ki, hazırda qızın "hə"sini alıblar. Toy isə 18 yaşı tamam olandan sonra ediləcək.