Türkiyəli müğənni Ayhan Aşan İstanbulda restoranlardan birində konsert proqramı ilə çıxış edib.

Axşam.az “Posta”ya istinadən xəbər verir ki, konsertə ifaçının bir müddət əvvəl “Artıq susma” verilişdə onun dalınca danışdığı qızı - Büşra da olub. Ayhanı övladlarına baxmamaqda günahlandıran Büşra atasına gül dəstəsi də verib.

Konsertdən sonra jurnalistlərin suallarını cavablandıran Aşan “Övladlarım mənim baş tacımdır” deyib.

Xatırladaq ki, Büşra bir müddət əvvəl Seda Sayanın “Artıq susma” verilişdə atasını yıxıb-sürümüşdü. O,  Ayhanın anası ilə boşandıqdan sonra evlərini əllərindən almaq və onları çölə atmaq istədiyini bildirmişdi.